Frumburðurinn 27 ára í dag

Ég var tæplega 17 ára þegar ég varð mamma og er frumburðurinn 27 ára í dag. Þessi drengur hefur fært mér mikla gleði í gegnum árin. Núna er hann giftur og á yndislega konu og frábæra litla snót. Maður er ekkert smá ríkur. TIL HAMINGJU GUNNÞÓR.

Vikan fór rólega af stað í vinnunni því það var bræla á mánudeginum en á miðvikudag kom fiskur og við höfum verið að vinna fram á kvöld síðan bara gaman. Erum að gera tilraunir með hrogn og svil. Verður gaman að sjá hvað kemur út úr því.

Í kvöld verður þorrablót fjölskyldunnar hans Þormars. Ég fór nefnilega ekki á neitt þorrablót í fyrra og saknaði þess mikið. Þetta verður bara gaman saman.

Næsta fimmtudag fæ ég barnabarnið í heimsókn og hún ætlar að vera hjá okkur meðan mamma hennar fer til Noregs eitthvað að Herbalivast. Þarf eitthvað að púsla saman vinnunni og veru hennar en það reddast með góðra vina hjálp.

Læt þetta duga í bili. Hafið það sem allra best þar til næst. 

Athugasemdir

[seylubúarnir (IP-tala skráð) 31.1.2010 kl. 10:54]

Innilega til hamingju með barnið.

Er ekki allt gott að frétta annars. Bakaði kleinur og punga í gær

tókst alveg ágætlega.

[Birna Dúadóttir, 1.2.2010 kl. 10:54]

[Kristín Jóhannesdóttir, 1.2.2010 kl. 14:52]

Seylubúar ég þarf að koma og taka út kleinurnar annað gengur ekki. Mun byrtast fljótlega. Takk fyrir mig

[Aprílrós, 1.2.2010 kl. 19:43]

Til hamingju með soninn ;) og alla bara