Jæja þá er hann kominn

Það er stutt á milli hláturs og grátur eins og maður segir. Ég átti slæman dag á fimmtudag en leið betur á föstudag en þá fengum við líka bílinn okkar afhentan JEPPA jibbíííí. Við keyptum okkur nýjan Dodge Durango svartan  Fórum á rúntinn á föstudagskveldið og enduðum í bíó  sáum nýju íslensku myndina Astrópía, okkur fannst hún mjög góð.

Veikindi

Ekki hef ég nú góðar fréttir núna en ég frétti á fimmtudaginn að Björt Karlsdóttir væri mikið veik  Ekki ætla ég að tilgreina allt en hún er með sýkingu í blóði sem illa hefur gengið að vinna bug á. Mikið hef ég beðið fyrir henni síðan ég frétti þetta því þetta er svo frábær stelpa sem hefur átt við mikil vandamál að stríða. Innra með þessari stelpu er svo stór gullmoli sem ég var svo heppin að kynnast þegar hún var stelpu snót og við sátum tímunum saman og spiluðum eða lituðum. Ég ætla að reyna að kíkja á hana á mánudag ef hún verður nógu hress til að hitta mig  Guð veri með þér Björt mín  

Útilega

hæ hæ Þetta gæti hafa verið síðasta útilegan þetta sumarið en maður veit aldrei  En við fórum  að Laugalandi í þetta skiptið  Komum um 9 leytið og þá var smá rigning, byrjuðum á að skreppa til Kidda og Möggu sem voru mætt á sínum eðalhýsi á undan okkur og búin að koma sér fyrir, tóku frá stæði fyrir okkur. Meðan við drukkum eitt lítið glas af rauðvíni þá fór að rigna fyrir alvöru hehe og svo þegar við tjölduðum þá var eins og helt  væri úr fötu. En við létum það ekki aftra okkur.  Eftir að vera búin að tjalda og vera orðin aðeins blaut í fæturna og sumir ekki með marga þura bletti á sér hehe þá var nú gott að fá sér heitt kakó með rjóma  Skruppum við yfir til Kidda og Möggu og fórum að spila Trivial Pursuit og á meðan hélt nú bara áfram að rigna   um hálf 2 þegar við fórum yfir að sofa þá var nú stitt upp en við vorum greinilega ekki á réttum stað því við óðum vatnið í ökkla. En við sváfum eins og englar. Morguninn eftir var orðið gott veður en við enn blaut í fæturna svo Gunni skrapp á Selfoss og kom til baka vel búin eða með regngalla og gúmmískó á liðið og ekki má gleyma þessum flotta kaffibrúsa   Við slöppuðum af og fórum í sund (góð rennibraut) Um kveldið grilluðum við lambalundir og pulsur handa Hannesi en hann ákvað að hann vildi fá 5 pulsur og 5 pulsubrauð og hann skolaði þessu niður með 2 stórum glösum af kóki, ekki gekk nú vel að klára síðasta bitann og hann kláraði hann ekki þótt við hótuðum því að hann þyrfti að vaska upp  við höfum samt grun um að hann reyni ekki að borða nema 4 næst. Aftur var farið í Trivial og enn vann Kiddi. Verður nú æft reglulega fyrir næstu keppni.. Sváfum vel heitt og gott í vagninum.

Ekkert nema leti

Jæja þetta þíðir ekki lengur. Er ekkert búin að blogga í viku, á eftir að segja ykkur frá frábærri helgi sem við höfðum í Húsafelli í frábærum félagsskap og frábæru veðri. Sundlaugin var ofnotuð það allir voru orðnir af svömpum og útkeyrðir eftir rúmlega 2 og 1/2 stunda iðkun það í lauginni að slást um dekk og pulsur. Á laugardagskveldinu var svo grillaður lax namminamminamm sem Laxi grillaði náttúrulega  Sunnudagurinn var mjög heitur eða 17 stiga hiti við vorum frekar þakklát því að ekki skildi vera sól því það hefðum við grillast í vagninum. Sem sagt frábær helgi. Og ekki má Gleyma Kidda og Möggu sem eltu okkur á föstudeginum  (þarf nokkuð að ritskoða þetta ) hehe.

Nú er verið að spá í aðra útilegu, kemur í ljós á eftir.

Hér í vinnunni fengum við gám fram Immingham og í honum reyndust vera nokkrir fallegir sniglar sem við settum í glas til að ath. hvort þeir væru á lífi. Jújú þeir eru sprelllifandi (ætlaði að taka mynd af þeim en batteríið er búið) Þetta eru 3 sniglar, einn svartur mjög stór og tveir gulröndóttir ekki eins stórir og svo þegar við mættum í morgun þá var svarti snigilinn strokinn og við finnum hann hvergi hehe  þetta eru dugleg dýr, eru alltaf að reyna að komast upp úr glasinu þannig að við erum búin að loka því (ætla að koma með krukku eftir helgi) . ´Jæja óska ykkur góðrar helgi og svo bloggumst við síðar

Heiðmörkin

Ég skrapp í Heiðmörkina í hádeginu til að hlaupa sem er ekki frásögu færandi (er nú með aðra löppina þar) en mætti manni sem hafði verið að hreyfa sig eitthvað allavega í stuttbuxum og var að teygja og viti menn haldið ekki að maðurinn sýni mér ekki slátrið sitt, ég sem var herumbil búin að bjóða góðan daginn því ég er mjög kurteis kona  snarhætti við og tók strauið framhjá honum. Mér bara dauðbrá. En eftir að hafa hlaupið í hálftíma í viðbót þá var ég búin að jafna mig og hló bara en svona á nú ekki að gera

 Alltaf sama góða veðrið, aðeins kaldara og enn ætlum við í útilegu, ekki alveg búin að ákveða hvert skal halda. kv.

Meira um ömmubarnið

Og ekki má nú gleyma ömmubarninu en þau komu heim af spítalanum á föstudag og við skruppum til þeirra á sunnudagskveldið. Var hún hin rólegasta lætur bara vita þegar hún þarf að borða sem er ansi oft enda er hún mjög lík pabba sínum þegar hann var svona lítill.

Restin af helginni

Restin af helgin var nú frekar rólegri en mjög ánægjuleg. Við fórum til Akureyrar og tjölduðum þar í ágætis veðri, kannski ekki mikil sól þessa helgi en samt heitt og stillt. Við skruppum á Dalvík á laugardeginum og fengum okkur fullt af fiski að borða, þetta var virkilega góður matur. TAKK FYRIR MIG  Sundlaugin á Akureyri var líka prufuð, mjög langt síðan ég hef farið í hana, ég hef nú bara  verið viku á Akureyri og það var nú á síðustu öld   Sem sagt hin ánægjulegasta helgi. Komum heim um kvöldmat á sunnudag því nú var sumarfríið búið í bili   

Leitin að Laxfossi

Á fimmtudeginum lögðum við að stað norður í rigningu en þegar komið var á Blönduós var sólin komin svo það var ákveðið að tjalda og skoða Laxfoss       Það var í þessari leit sem við komumst að því að nú yrðum við að gera breytingar á okkar lífi  allavega í bílamálum. Hingað og ekki lengra nú yrði farið og spáð í JEPPA því leitin að LAXFOSSI endaði nú JA vel fyrir rest   en Laxi var nú farinn að kannast við sig (hafði skoðað fossinn áður, reyndar fyrir nokkuð mörgum árum) þegar við beygðum inn slóða sem á stóð Hamar og Guðríðarskógur og áfram keyrðum við, (by the way við vorum á Wolswagen golf station) svo var þannig komið að við gátum bara ekki snúið við því við vorum komin á einhverskonar troðninga sem voru með djúpum hjólförum þannig að maður varð að keyra upp á miðjunni og svo maður sópaði ekki öllu undan bílnum  og ég undir stýri ekki alveg sátt við aðstæður . En niður troðningana varð ég að fara sem ég gerði, þegar við komum niður blasti Blanda við okkur ekki neinn foss  nú neitaði ég að vera lengur undir stýri og lét Laxa taka við ( Laxi er meiri jeppamaður en ég þótt við værum ekki á jeppa). Hann sneri  við og fór upp á kantinn öðru megin og á miðjunni og ríkur upp brekkuna og þegar við erum komin hálfa leið þá gefur kanturinn sig og við útaf eða bíllinn settist á (mallan) reyndar vaggaði hann svolítið þannig að við héldum að hann myndi velta en sem betur gerði hann það ekki. Nú voru góð ráð dýr, þekkjum við einhvern hér á Blönduósi sem á jeppa til að redda okkur neeeeeiii. Laxi rölti því af stað til að í leit að bóndabæ og vonaði að það væri einhver heima til að redda okkur. Á meðan vorum við Hannes að spá í hvað við gætum gert ef hann fyndi nú engan. Ég hringdi í 118 og fékk símanúmerið hjá Björgunarsveitinni á Blönduósi. Alltaf gott að vera vel undirbúin   En Laxi fann bónda frá Hamri sem átti líka þennan flotta Landcruserjeppa sem vildi hjálpa okkur. Ég held að hann hafi nú haft svolítið gaman af þessu sérstaklega þegar Laxi sagði honum að við hefðum verið að leita af Laxfossi þarna þá tók hann bakföll af hlátri  Kallinn spurði svo að hverju við værum að leita af Laxfossi þarna en við höfðum nú bara tekið vitlausa beygju hehe. Eftir tvær tilraunir og hjálp okkar Hannesar (við héngum á bílnum svo hann ylti ekki) þá tókst að koma bílnum aftur í troðningana og að sögn Hannesar sem ýtti bílnum af stað reddaði málunum. Sem betur fer urðu engar skemmdir á bílnum og enginn þurfti áfallahjálp. Við ákváðum að fara síðar að leita að Laxfossi við Blönduós því hann á að vera þarna einhversstaðar

Og viti menn aftur helgi

Jæja þá er að taka til nesti og halda af stað í útilegu  nú skal halda norður á leið, spáir ágætilega kannski smá vætu en ekkert rok þannig að það verður flott. Erum vel út búin þannig að veðrið skiptir ekki öllu og ekki er maður verri þótt það rigni ( eða var það vökni) hehe .

Smá hugleiðing  Ég var að spjalla við ungan vin minn í gær hann Hjört hann er bráðum 6 ára. Ég spurði hann hvað hann ætlaði að verða þegar hann yrði stór. Hmmm sko ég ætla að vera Mótorhjólamaður með stórt mótorhjól síðan ætla ég að búa til og gera við tölvur og svo líka að vinna í Bónus.  Mér fannst þetta æðislegt svar og svo hugsaði hann sig um og af því við vorum að baka kleinur þá sagði hann að hann myndi trúlega líka vinna smá í bakaríi til að baka kleinur ef það væri einhver tími. Ég hef trú á að það verði eitthvað úr þessum dreng því það virðist vera gaman að  gera allt . Hafið góðar stundir.

Verslunarmannahelgin

Þá er þessi frábæra helgi búin. Við byrjuðum hana snemma og fórum af stað á fimmtudeginum í líka þessu frábæra veðri. Búið var að spá slæmu veðri um mest allt land á föstudeginum og ætluðum við að vera búin að koma okkur fyrir á Klaustri áður en rokið kæmi en svo kom það ekkert bara smá rigning og vindur sem gat nú ekkert blásið um koll  Þarna var fullt af fólki og veðrið var í allastaði gott ein og ein skúr á föstudegi, laugardagur heiðskýr og flottur, hálfskýjað á sunnudegi en  varð alveg heiðskýrt um kvöldmatarleitið og mánudagurinn var svakalega góður sást varla ský á himni og smá gola sem hefði átt að kæla okkur niður en hún var bara nokkur heit. Um helgina var farið í gönguferðir, Systrastapi skoðaður og klifinn af þeim sem þorðu (Gunni jaxl). Eina sem við fundum af þessum stað var að það mætti merkja gönguleiðir betur þannig að fólk finni þær.  Aðstaða þarna var sko til fyrirmindar, allt mjög   snyrtilegt.  Sunnudagskveldið var brekkusöngur og brenna og ég er alveg viss um að þetta fólk úr hljómsveitinni Napeleón sló Árna út í Brekkusöng svo vel stóð það sig . Frábær helgi.

Svo það flottasta og merkilegasta af öllu ég varð amma´, því klukkan 3 aðfararnótt mánudags eða 06-08-07 Eignuðust Anna María og Gunnþór stúlkubarn sem var 16 1/2 mörk og 52,5 cm., gekk fæðingin ekki alveg nógu vel þannig að það þurfti að taka dömuna með keisara en þeim heilsast öllum mjög vel.