Miðvikudagsgangan

Ekki sleppti ég miðvikudagsgöngunni en að þessu sinni var farið að Höfnum og gengið frá Kirkjuhöfn- Sandhöfn. Rosalegt hvað sandurinn getur gert, fór bara allt á kaf vegna sandfoks. Merkilegt . Alltaf jafn gaman.

Stjörnuspá

Naut: Gamall og ryðgaður hlutur úr fortíð þinni kemur öðrum að góðu gagni. Og fyrrverandi elskhugar finna nýja elskhuga. Það er eðlilegt að líða skringilega yfir því.

Long time .....

Jæja það er nú frekar langt síðan ég hef bloggað. En betra er seint en að sleppa því. Við erum í útilegum um hverja helgi nema við tókum laaaanga helgi núna. Fórum á fimmtudegi og komum heim á mánudegi. Við fórum að Laugum í Sælingsdal. Við vorum svakalega heppin með veður og tjaldsvæðið þarna er sko til fyrirmyndar. Maður er eins og brenndur snúður. Þarna er mjög fallegt og nokkur fjöll sem hægt var að skríða á og dalur til að skokka inn eftir.  Við vorum 5 fjölskyldur saman og þetta var reglulega gaman. Þakka vil ég öllum fyrir mjög skemmtilega helgi

Miðvikudagsgangan....

Ég gleymdi að segja ykkur frá miðvikudagsgöngunni í síðustu viku en þá var farið og gengið milli Reykjanesvitanna. Mjög skemmtileg ganga, svoldið rok en við létum það ekki aftra okkur. Við fengum okkur kaffi í laut sem er víst á hafsbotni (einu sinni var) Það er við byrjun Reykjaneshryggjar sem liggur í gegnum mest allt landið  Það var prestur með okkur sem fór með sjómannabænina vegna allra sjóslysa sem hafa orðið þarna. Mjög skemmtileg ferð.

En í gær fórum við á Fiskidalsfell - Vatnsheiði. Þetta er rétt fyrir utan Grindavík og útsýnið var stórkostlegt. Fórum fyrst upp á Fiskidalsfellið og niður aftur hehe og upp á Húsafellið og niður aftur hehe veðrið var frábært smá vindur en það er alltaf smá vindur á suðurnesjunum þannið að maður er hættur að kippa sér upp við það. Set inn myndir síðar.

Stjörnuspá

Naut: Hafa öll afrek þín bara verið heppni? Óöryggið innra með þér reynir að telja þér trú um það. Bældu þá tilfinningu og auktu hjá þér sjálfstraustið

Borg í Grímsnesi

Jæja komin mánudagur aftur hehe. Við skruppum á Borg í Grímsnesi þessa helgi og var það frábært, þar er gott að vera. Smá ónæði af unglingum en svona er lífið bara. Við ætluðum sko að vera tímanlega í þetta skiptið og grilla læri sem við vorum búin að undirbúa vel mmmmmmm. Fellihýsið var hjá Víkurverk því það var verið að laga nefhjólið og setja betri festingar á kassann svo hann myndi ekki renna út þegar  við værum á keyrslu eins og gerðist þegar við vorum á leið í Þórsmörk. En þegar við komum og ætluðum að taka fellihýsið kom í ljós að þeir voru ekki byrjaðir á því en þeir brugðust strax við og kláruðu málið þannig að við vorum komin af stað rétt fyrir 7 í staðin rétt fyrir 5, ákváðum við að fresta lærinu fram á sunnudag og grilluðum svínarif. Þórhallur og Berta komu líka og þeirra kríli Hjörtur Máni og Guðný Sunna.

 Við fórum í brúðkaup á laugardeginum, Sigrún Ósk og Róbert voru að gifta sig og þetta var frábær stund. Þetta var mjög svo skemmtileg og vel undirbúin veisla og fengum við smá innsýn inn í þeirra líf  Svo var dansað fram á nótt. Á sunnudeginum var sól annað slagið en heitt úti. Við fórum að grilla lærið okkar, Gunnþór og Anna María komu með Gullu litlu og borðuðu með okkur. Frábær helgi.

Skorradalur og fl

jæja alltaf nóg að gera á stóru heimili hehe. Við skruppum í Skorradalinn á sunnudagskveld fljótlega eftir að við komum heim úr Þórsmörk. Ólöf systir og hennar fólk var með bústað á leigu þar. Við komum þar um hálf 10 í frábæru veðri en það hvessi hressilega um morguninn og komu líka þessar flottu skúrir. En við létum það ekki aftra okkur frá að fara í góðan göngutúr þarna um svæðið. Við löbbuðum upp hjá tjaldsvæðinu og ákváðum að í staðin fyrir að fara sömu leið til baka þá skyldum við bara fara í gegnum skógin hehe. Við fórum þarna ótroðnar slóðir sem sumum fannst æðislegt og öðrum allt í lagi. Þurftum að hoppa nokkrum sinnum yfir sömu sprænuna til að komast út úr skóginum hehe. En fyrir rest eins og venjulega þá komumst við í bústaðinn aftur eftir að hafa tvisvar farið yfir rafmagnsgirðingu. Ég þurfti nú að prufa hvort það væri nú rafmagn á henni og viti menn það var  ég fékk smá stuð hehe. Frábær dagur

Hæ Hó jíbbíjeei það er kominn 17 júní  við eyddum helmingnum af deginum í að taka utan af grunninum í alveg ágætis veðri, smá gjóla en það er nú ekkert nýtt hér á suðurnesjum hehe. Frábær dagur

Stjörnuspá

Naut: Þótt þú sért stoltur af eigum þínum, finnst þér gjafmildi svo virðingarverð að þig langar til að gefa eitthvað verðmætt til þeirra sem hafa þörf fyrir það.

Þórsmerkurferð

Jæja nú er maður orðin brúnn og sællegur mar  Við skruppum í Þórsmörk um síðustu helgi og var þar rosalega gaman. Var svoldið erfitt að komast þangað því við lentum í smá vandræðum með fellihýsið í einni ánni (Hannes hetja óð í eina ánna til að redda málunum hjá okkur og fékk að launum heitt kakó með rjóma og PIPP) en með góðra vina hjálp þá fór allt vel. Fórum of geyst uppeftir (æsingur um að komast) en fórum rólega til baka og allt gekk eins og í sögu  ég hef ekki komið í Þórsmörk síðan árið 1990 vá mar frekar langt. Það er eins og að vera komin í annan heim. Þetta er stórkostlega fallegt nú skil ég af hverju Almar er þarna aðra hvora helgi eða þannig  Veðrið var svo gott alveg logn og svo  til sól allan tímann. Næst þegar maður fer þá ætlum við að vera lengur því manni fannst maður vera nýkominn þegar maður tók saman dótið aftur. Set myndir inn svo þið getið séð sjálf hvursu fallegt þarna er.  Hér er Hannes og fellihýsið.   Svona er fallegt í  mörkinni. Farið að vaða með krökkunum.

Hópsnes

Nú var farið til Grindavíkur og Hópsnesið gengið og endað í Þórkötlustaðahverfi. Hver haldiði að ég hafi hitt í þessari göngu enga aðra en hana Kolbrúnu og vinkonu hennar . Veðrið var frábært, sól og nánast ekkert rok( og það í Grindavík sem er algjört rokrassgat) á þessari leið eru nokkur skipsflök og sagðar sögur um sjóskaða. 1988 fórst Hrafn Sveinbjarnarson III og er flakið á honum ennþá þarna og það skrítna við það er að það er í tveimur hlutum og frekar langt á milli þeirra. Stoppuðum við og borðuðum nesti hjá gömlu bryggjunni og þar eru fullt af gömlum rústum. Þarna var fólk á öllum aldri, frá 3ja ára til 70 eða eldra. Þetta var frekar létt ganga.

Stjörnuspá

Naut: Ef fólk bara vissi hversu mikið þú nýtur þess að vinna verk sem þú vinnur vel eða leysa þraut sem þú ræður vel við, þá yrði það afbrýðisamt.

Húsafell heimsótt

Nú fórum við og skoðuðum aðstöðuna í Húsafelli og er hún alveg hreint ágæt, við höfðum það rosalega fínt  Með okkur í för voru Sigrún, Jón Ingi og börnin þeirra og Ásgeir, Fanney og Björk. Það var mjög mikið af fólki komið þegar við komum á svæðið rúmlega 7 á föstudagskveldið. Ætluðum við að finna stæði þar sem við kæmumst í rafmagn því það var eitt hjólhýsi með í för sem þurfti á rafmagni að halda. En þau voru bara öll fullnýtt. Þannig að þrátt fyrir þokkalega leiðinlega spá þá var sko fullt af fólki í útilegu  Veðrið á föstudagskveldinu var yndislegt logn og heiðskýrt. Á laugardeginum þá var skýjað en hélst hann þurr framyfir hádegi en þá komu skúrir annað slagið. Farið var í bíltúr og svæðið skoðað. Sundlaugin prufuð  Um kveldið svona um það leiti þegar búið var að grilla þá kom svona rok hvellur sem stóð í 3 klukkutíma og stóð manni ekki á sama á tímabili því það komu svoddan hvellir annað slagið.

 

 

 

En um 11 þá datt allt í dúnalogn og við fórum með stólana út og sátum þar til klukkan að ganga 2.    Vöknuðum svo við fuglasöng í sólinni. Frábært fólk, frábær staður Takk fyrir mig

Trölladyngja

Í gærkveldi var farið á Trölladyngju og Grænudyngju. Við vorum svo heppin með veður að það rigndi ekki neitt bara smá vindur og léttskýjað á köflum.  Æðisleg ganga. Það kom jarðfræðingur á vegum Hitaveitu Suðurnesja með okkur til að fræða okkur um svæðið og borholur sem voru á þessu svæði. Útsýnið var stórkostlegt. Frábær göngutúr

Ísbjörn og Spilakvöld

Með blessaðan Ísbjörninn (blessuð sé minning hans) þá finnst mér fólk vera að flýta sér svo mikið alltaf . Eins og við vitum þá eru fljótfærnisákvarðanir oft ekki réttu ákvarðanirnar. Ég var ekki á staðnum og ekki í aðstöðu til að dæma en hefði ekki mátt koma fólkinu í burtu og reyna allt áður en þurfti að drepa dýrið.

Alltaf finnst mér  gaman að spila og er farin að spila cana  aftur annanhvern þriðjudag við nokkra Kópavogsbúa  Hittumst við hjá Marteini og Björk.  Þegar búið var að ná 50 stigum þá fengum við líka þessa svaka hnallþóru namminamm  haldið var áfram upp í 100 stig sem Jói náði eins og venjulega. Alltaf jafn gaman að spila. Takk fyrir mig. 

  

Stjörnuspá

Naut: Inn á milli vinnutarna, lætur þú þig dreyma um einhvern. Það er ekki persónan sjálf sem hefur þessi áhrif á þig, heldur hvernig hún lætur þér líða