Kristín

10.4.2009 | 20:37

Föstudagurinn laaaaaangi

Jæja nú var skroppið á Akranes og ætluðum við á Akrafjall en ferðin breyttist aðeins vegna veðurs.

Byrjuðum við að ganga við Vatnsból Skagamanna en þá var einn bíllinn með þremur meðlimum búin að fara hringinn í kringum Akrafjallið en það var vegna smá misskilningi í leiðbeiningum (Skil ekkert í þessu ég sem er svo góð að segja til en ég var saklaus í þetta skiptið hehe). Við gengum upp með Berjadalsánni að sunnanverðu (Gíslagata?) í skafbyl og roki, og fórum síðan yfir ánna er upp kom. Siggi Snæ ruddi grjóti í fljótið eins og hver önnur jarðýta, þannig að allir (eða var það ekki Hörður?) komust þurrum fótum yfir. Þaðan var haldið upp hlíðina í átt að Geirmundi. Þarna skiptist hópurinn. Þeir galvösku fóru upp allaleið en við hin ákváðum að koma síðar þegar ekki væri svona mikið rok (við nánast fukum). Þetta var sólbjartur dagur en frekar hvass þarna á Akranesi. Við fórum svo til Lindu og fengum þvílíkar hnallþórur að maður hefur ekki séð annað eins. Takk fyrir mig krakkar frábær dagur og Linda þú ert höfðingi heim að sækja.

Svo þegar heim var komið þá var skolað af sér ferðarikið og fengin sér smá kría. Verst að hafa ekki einhvern til að kúra hjá á svona stundum Wink En eftir kríuna þá fór ég að elda eðalmáltíð fyrir drengina mína tvo. Jói skaffaði eðal rauðvín frá Mister Knút Gunnþór er munaðarlaus þessa dagana því Anna María skrapp austur á Fáskrúðsfjörð og þá flutti hann til mömmu. Henni þykir ekkert leiðinlegt að hafa hann. Skemmtilegur strákur. Njótið þess að vera til ég er að því.

Stjörnuspá

Naut: Þrátt fyrir að jákvætt viðhorf stuðli að árangri er nauðsynlegt að vera með báða fætur á jörðinni. Sinntu máli sem leitar sterkt á þig nú um stundir.

Flokkur: Bloggar | Breytt 11.4.2009 kl. 09:08 | Facebook